VOV4.M’nông – Tâm kêng măng nđaơ 21/3/2022, ta Ntŭk kruanh dak, Kruanh dak Nguyễn Xuân Phúc lĕ wơt Thủ tướng Malaysia Dato Sri Islam Sabri hin Yaacob di rơh khâl na nê̆ Việt Nam. Kruanh dak Nguyễn Xuân Phúc uănh lah prêh rơh khâl geh nkô̆ nău khlay gay geh n’hâm soan mhe hun hao tâm boh kan ndrel têh hvi đah 2 dak. Kruanh dak nkoch nău uĕh jru hvi mpeh du neh dak Malaysia uĕh lăng n’hanh mhe; mbah rhơn Malaysia dơi mât hao jêng GDP năm 2021 geh 3,1% n’hanh rƀŏng tât pơk mpông wơt năch bah nar 1/3/2022; nsing nơm chính phủ Malaysia mbra ƀư lôch uĕh trong nchrăp 5 năm rơh tal 12, ndơ̆ Malaysia jêng dak ƀư sa âk tâm năm 2025 n’hanh geh nău tơm, jâng nsan ta lam ntŭr neh nar lơ âk. Kruanh dak Nguyễn Xuân Phúc đă 2 dak dŏng ăp nău geh ơm bah ăp tâm ton tăch rgâl dah rŏng yor 2 ding ndrel râng, ntrôl dăng kan ndrel ndâk njêng rpăi wăng sa tâm rwăch tâm rnôk nsum mpôl wăng sa ASEAN gay ndrel rdâk hao tay n’hanh hun hao.

Nŭih blang: Y Sưng Phê Ja