Mpeh ngih dak si rlong tâm lơh gâl 2 mbrô 5 ndơn đah ngih dak si rlong tâm lơh gâl 2 mbrô 4 pah kan ta Nam Sudan, ngih dak si geh 63 đồng chí, tâm nĕ geh 11 bu ur, geh săch bâh ăp Quân khu 5,7,9; quân đoàn 4, ngih dak si Quân y 175, ntŭk kan mât đăp mpăn Việt Nam n’hanh du đê̆ ntŭk kan êng.

Mpôl kan tât râng ntĭm nti na nê̆ mpeh ăp nău kan, nđâp mpeh chính trị, tahen, kơl kan kĩ thuật, nuĭh way kan dak si, nău gĭt vât mât đăp mpăn ndrel đah nău ngăn, tâm di tŏng ăp nău mpŏng bâh LHQ n’hanh đă ƀư tĭng nău kan ta mpôl kan. Pă nău ntrŭnh, pă cờ ngih dak an mpôl mât đăp mpăn an geh nău knơm, nău ryơk mpeh ăp nău dơi geh lĕ geh bâh ăp mpôl kan mât đăp mpăn rnă njrăng bâh Việt Nam tâm ba năp nơh, nkre lah knơm ăp mpôl kan ntŭk kan geh mbơh ƀư ta ntŭk n’hao nău dơi kan, nău gĭt blău, nău nsrôih, tâm di nău kan bâh LHQ, tâm di đah nău way ơm tahen wa Hồ tâm nău ƀư tĭng trong kan mât đăp mpăn LHQ.