Ôi 20/2, Kruanh dak võ Văn Thưởng, Bí thư Thành uỷ Hà Nội Đinh Tiên Dũng ndrel kruanh ăp n’gâng kan, nău kan Trung ương n’hanh nkual ƀon têh Hà Nội lĕ tât mpoh su nhang ta Di tích lịch sử Thành Cổ Loa nkuăl Đông Anh. Mpoh su nhang nkah gĭt nuĭh kđăch An Dương Vương, ăp ntoh măt nkoch nău nkah gĭt ăp nuĭh têh lĕ geh soan ndâk njêng neh dak n’hanh mât neh dak, dăn an bri dak, ƀon lan, neh dak đăp mpăn.

Cổ Loa lah nkual di tích lịch sử văn hoá khlay bah rnoi nuĭh Việt Nam. Rlet rlău âk nău khlay lịch sử, văn hoá way ơm dŭt âk nău uĕh rnoi nuĭh. Lơn lah tâm rơh bôk năp ndâk njêng neh dak, nkual neh Cổ Loa djôt dơn âk nău uĕh têh dăng hăn ndrel đah drăp ndơ lịch sử Thục Phán An Dương Vương, nuĭh ndơn tay rnôk Hùng Vương, geh soan ndâk njêng dak Âu Lạc. Nkhêp di rơh aơ, Kruanh dak Võ Văn Thưởng ndrel kruanh Trung ương n’hanh Nkual ƀon têh lĕ tăm tơm si nkah gĭt ta Di tích lịch sử Thành Cổ Loa nkuăl Đông Anh.