VOV4.M'nông: Ôi 9/6, Binh đoàn 11 (Bộ Quốc phòng) ƀư Lễ nkah ndray 40 năm Nar way ơm Binh đoàn (11/6/1982-11/6/2022) n'hanh wơt dơn Huân chương Bảo vệ Tổ quốc hạng Ba. Ta rơh lễ, ntơh măt kruanh rđău kan Đảng n'hanh Ngih dak, Kruanh dak ntăm an Huân chương Bảo vệ Tổ quốc hạng Ba an Binh đoàn 11.

Lah ta rnôk rđău đă rơh lễ, Kruanh dak lah rjăp Binh đoàn 11 mpơl dơi nău kan lam lĕ rngôch tâm weh ƀư ăp ndơ têh khlay bah Bộ Quốc phòng; ƀư n'gâng tơm tâm trong kan rdâk njêng tơm bah tahen, tâm nê ntoh lư lah ƀư Nhih pah kan Quốc hội Lào dơi dak băl rnê âk, rgop n'hao nsing nơm, ntŭk gŭ kan têh bah neh dak, tahen he n'hanh bun dăp nău tâm rnglăp mha êng Việt - Lào. Tĭng ƀư nău kan tâm let năp tay, Kruanh dak dăn đă Binh đoàn 11 (Bộ Quốc phòng) tĭng ƀư tay jăp lơn đŏng nău dơn kan bah tahen, mât uĕh suan dăng bah doanh nghiệp tahen tâm trong tĭng ƀư nkre đah hun hao wăng sa nkre đah njrăng n'gang neh dak, rnă njrăng./.

Nuĭh rblang: Điểu Thân