Ôi 1/3, ta Hà Nội, Bộ Tư lệnh Bộ đội Biên phòng khuh n’gôr ƀư Lễ wơt dơn Huân chương Chiến công hạng Nhì, nkah ndray 65 năm Nar way ơm tahen n’har bri, 35 năm Nar lam ƀon lan njrăng n’gang n’har bri. Kruanh dak Võ Văn Thưởng râng n’hanh geh nău lah ta rơh lễ.

Ta rơh lễ, Kruanh dak lah rjăp, aơ lah rnôk gay du tơ̆ đŏng lah rjăp ăp nău rgop têh kuâng bah ăp rơh kơn cán bộ, tahen mpôl n’har bri n’hanh nău khlay kan têh kuâng bah ƀon lan tâm nău mât njrăng ƀư tơm neh dak,  rnă njrăng n’har bri neh dak; ntik n’hao suan dăng rgum bah lam rnoi nuĭh an n’gâng kan rdâk njêng n’hanh mât njrăng neh dak Việt Nam xã hội chủ nghĩa.

Ntơh măt kruanh rđău kan Ðảng, Ngih dak, Kruanh dak Võ Văn Thưởng ntăm Huân chương Chiến công hạng Nhì n’hanh njuăl nău mbah rhơn dŭt uĕh lăng tât ăp rơh kơn mpôl tahen n’har bri. Kruanh dak đă mpôl tahen n’har bri, ăp gưl, ăp n’gâng kan, lơn lah ăp  n’gor n’har bri rƀah gĭt, nchroh di nô nău, lơn lah nô nău bah dih n’har bri geh tât pah kan mât njrăng n’har bri, lor nchrăp trong rdâng lơh, trong nkra tâm di; ntrôl dăng pah kan nkoch trêng, ntĭm nti, n’hao nău gĭt êng, nău dơn kan,  đah nău kan mât njrăng ƀư tơm neh dak, rnă njrăng n’har bri neh dak, lơn lah ta ăp nkual n’har bri, dak lêng, gôl dak./.