VOV4.M’nông – Măng 28/4, ta n’gor Thừa Thiên Huế, Trung ương Hội Chữ thập Việt tâm rgop đah UBND n’gor ƀư rgŏ jă Khay kơl nuĭh năm 2022 đah bôk nău “Tâm rnglăp ntŭk gŭ rêh-Rêng hvi nău ƀư kơl nuĭh” n’hanh nkah gĭt Nar Chữ thập đỏ n’hanh Trăng lưỡi liềm đỏ lam ntŭr neh (8/5). Kruanh dak Nguyễn Xuân Phúc râng n’hanh ntoh ngơi ta nar ƀư. Khay kơl nuĭh năm 2022 ntơm bah narr 1/5 tât 31/5, lĕ rmôt kan nsrôih rgŏ jă geh 400 rmen prăk gay kơl 1 rkeh nuĭh geh nău rêh jêr jŏ, tâm nĕ geh 100.000 ntŭk kơl nuĭh. Lơn lah, ta nar ƀư rgŏ jă Khay kơl nuĭh năm 2022, Hội chữ thập đỏ Việt Nam ntơm ƀư 2 bôk nău kan khlay ƀư tâm 5 năm tât, nĕ lah bôk nău kan: “Đăp mpăn an nuĭh ƀon lan ach o, jêr jŏt” n’hanh “Ndơ kah an kon se ach o, koet nte”. Ntoh ngơi ta nar ƀư, Kruanh dak Nguyễn Xuân Phúc kuăl jă ăp ngih pah kan, rmôt kan, doanh nghiệp, ăp nuĭh lŏng bôk tôr n’hanh ăp rơh kơn nuĭh ƀon lan ntop kơl tay, hăn ndrel Hội chữ thập đỏ Việt Nam, ndâk njêng du ntŭk gŭ rêh tâm rnglăp, geh âk nău lŏng tôr, yor ntŭk gŭ rêh rêng hvi tâm rŏng.

Nuĭh rblang: Y Sưng Phê Ja