VOV4.M’nông – Kêng măng 24/5, Kruanh dak Nguyễn Xuân Phúc lĕ geh nar pah kan đah Rmôt nchih rgum ndâk ƀư nău rgop tâm nchră “Têh hvi ndâk njêng n’hanh lôch uĕh Ngih dak pháp quyền xã hội chủ nghĩa Việt Nam tât năm 2030, rƀŏng tât năm 2045”.

Ntŭk rgum nar pah kan.

Ntoh ngơi ta nar pah kan, Kruanh dak uănh lah prêh nău nsrôih, n’hanh lĕ nău kan bah nuĭh Rmôt nchih rgum ndâk ƀư nău rgop tâm nchră, ăp dự thảo sam ƀŭt sam tra nău rgop an tâm nchră lĕ ntơm tâm di nău đă mpeh nkô̆ nău, ngăch yor Mpôl ntĭm rđău n’gluh an; đồng chí đă Rmôt nchih rgum tĭng jăp jêh mĭn njêng bôk nău bah ăp ngih pah kan, nău rgop nuĭh Mpôl ntĭm rđău gay jêh dự thảo bôk nău rgop an tâm nchră, Tâm nĕ, rgum ƀư kloh nău khlay bah bôk nău rgop an tâm nchră; tâm pă kloh lơn ăp nău rƀŏng, nău kan n’hanh nchrŏng trong bah aƀaơ tât năm 2030 n’hanh bah 2030 tât 2045; mĭn lah nău rđău bah Đảng, nchrŏng trong xã hội chủ nghĩa, nău ƀư tơm bah nuĭh ƀon lan ndâk njêng, lôch uĕh Ngih dak pháp quyền xã hội chủ nghĩa Việt Nam.

Nuĭh rblang: Y Sưng Phê Ja