VOV4.M'nông: Nthoi tay bôk nău pah kan ta Thanh Hóa, ôi 29/8, Kruanh dak Nguyễn Xuân Phúc ƀư tơm rơh pah kan đah Thường vụ Tỉnh ủy Thanh Hóa. Ndrel tât râng geh Groi Thủ tướng Chính phủ Lê Văn Thành, kruanh rđău kan du đêt n'gâng kan. Lah ta rơh pah kan, Kruanh dak Nguyễn Xuân Phúc nkoch tât năm 2029 lah 1.000 năm sơm săk Thanh Hóa.

Jêng, Đảng bộ, n'gâng kan n'gor ân gŭ mĭn, njêng nău hun hao đăt ndal lam lĕ rngôch rƀŏng tât nkah ndray tât n'gâng tơm khlay bah nkual neh geh âk nău way ơm kăl e dja. Kruanh dak an lah, nău hun hao bah Thanh Hóa aƀaơ mô hŏ tâm di đah nău hun hao tâm ban kơt săk geh bah n'gor. Kruanh dak dăn đă n'gor nsrôih ndăn dŏng uĕh ăp nău way kan an êng ma n'gor bah Trung ương gay hun hao đăt ndal. Lơn lah, Kruanh dak Nguyễn Xuân Phúc njrăng đă, hun hao wăng sa ân nkre đah hun hao văn hoá n'hanh tĭng ƀư rgâl mhe, geh nău tâm ban rêh jêng kon nuĭh, mât ndray n'hanh mpư n'hao săk tơm văn hóa ta n'gor, ntơm rdâk tay nău nsing nơm n'hao êng săk bah rnoi nuĭh, ŭch hun hao ƀon tơm neh dak./.

Nuĭh rblang: Điểu Thân