Kruanh Quốc hội Vương Đình Huệ mhe ƀư tơm rƀŭn kơp uănh trong kan nchrăp ƀư rƀŭn nchră nghị sĩ mom lam ntŭr neh rơh tal 9. Rƀŭn nchră Nghị sĩ mom lam ntŭr neh rơh tal 9 ta Hà Nội mbra ƀư bah nar 14-18/9/23 đah bôk nău “Nău ƀư tơm bah druh ndăm tâm nău ntrôl ƀư tĭng ăp Nău rƀŏng hun hao nâp nâl tă bah rgâl mrô n’hanh rgâl mĭn ƀư mhe”.

Tât aƀaơ, lĕ geh 64 mpôl dăn râng rƀŭn nchră, đah 244 nuĭh. Aơ lah nău ƀư tâm nchră âk ding yor Quốc hội Việt Nam rdâk ƀư tâm năm aơ. Kruanh Quốc hội Vương Đình Huệ đă ăp tiểu ban, Mpôl rdâk ƀư gŭ mĭn njêng, djăt ăp nău rgop ntoh ngơi ta rơh rƀŭn lôch jêh nău nchrăp; jêh ăp sam ƀŭt sam tra ƀư na nê̆ tĭng nău ƀư, tĭng rơh rƀŭn; kơp uănh na nê̆ tĭng nkô̆ nău; an geh trong nchrăp lor an tĭng nu nău gay dêr geh ndal. Mpeh tiểu ban Nkô̆ nău, an geh nău nchrăp na nê̆, glêh. Trong kan đăp mpăn rnă njrăng, đăp mpăn răk ndơ sông sa an di tŏng ăp tĭng di nău ntrŭnh.