Măng 2/11, ta Hà Nội, Ban Tuyên Giáo Trung ương n’hanh Radio Tivi Ntuh rup Việt Nam tâm rgop ƀư bôk nău kan Tâm nđŭr ntoh lư lam dak 2023 “Hồ Chí Minh-Trong hăn nău ŭch 2023” đah bôk nău: Nău nsing nơm n’hanh Nău ŭch. Aơ lah bôk nău kan ăp năm gay ntô̆ n’hao, ntrŭt nsôr ăp nsum mpôl, êng nuĭh ntoh lư nti n’hanh ƀư tĭng nău mĭn, nău rêh, nău kan Hồ Chí Minh.

Đah bôk nău Nsing nơm n’hanh nău ŭch, Bôk nău Hồ Chí Minh-Trong hăn nău ŭch năm 2023 mĭn lah nău nsing nơm, mpoh ang nău mĭn, trong hăn cách mạng ma Đảng, Wa Hồ n’hanh nsum mpôl ƀon lan he lĕ săch. Ta bôk nău kan, Kruanh dak Võ Văn Thưởng n’hanh Kruanh Ban Tuyên giáo trung ương Nguyễn Trọng Nghĩa lĕ an nkao n’hanh ntĭt mpơl an ăp nuĭh ntoh lư râng bôk nău kan.