VOV4.M’nông – Măng 14/6, ta n’gor Quảng Bình ƀư mbơh soan nsơr Wa n’hanh bôk nău kan nghệ thuật nkah gĭt 65 năm nar Wa Hồ sĭt khâl Quảng BÌnh. Ntoh ngơi ta nar ƀư, Kruanh dak Nguyễn Xuân Phúc nkoch kloh: Quảng Bình lah nkual neh âk ntil ndơ lah ntŭk rgum lăp âk văn hóa têh bah rnoi mpôl. Tă aơ 65 năm, nar 16/6/1957, Wa Hồ lĕ hăn khâl Quảng Bình.

Lor rnôk râng ƀư nkah gĭt, Kruanh dak Nguyễn Xuân Phúc mpoh nhang nkah gĭt Kruanh Hồ Chí Minh n’hanh ăp tahen janh dăng lĕ khĭt.

Tâm 65 năm ƀư tĭng nău ntĭm bah Wa, ngăn lah rlău 35 năm ƀư tĭng trong rgâl mhe, nkual neh tă rdâng săk yor bom min tâm lơh tâm su lĕ rgâl săk hun hao dăng. Đảng bộ, tahen n’hanh ƀon lan Quảng Bình lĕ tâm rnglăp du nuih n’hâm, nsrôih, geh âk ndơ têh kuăng ta lĕ rngôch ăp nău kan. Ăp nău dơi geh dŭt ntô̆ n’hao, jêng nâp nâl an n’gor Quảng Bình hun hao ngăch n’hanh nâp nâl lơn tâm năm tât. Ta nar nkah gĭt, ăp nuĭh ntoh măt n’hanh âk gưl nuĭh ƀon lan djăt bôk nău nghệ thuật uĕh “Dăn hăn ndrel Nuĭh hun hao mro”.

Nuĭh rlang: Y Sưng Phê Ja