VOV4.M'nông: Nthoi tay nar pah kan ta ăp n'gor mpeh bah dâng, ôi 19/1, ta n'gor Tiền Giang, Kruanh dak Nguyễn Xuân Phúc râng Lễ mbluh hăn dơm trong me cao tốc Trung Lương-Mỹ Thuận, rhŏ dŏng an rnôk Tết Nguyên đán Nhâm Dần 2022. Trong cao tốc Trung Lương - Mỹ Thuận geh nău dŭt khlay tâm trong buăt nthoi tăch rgâl nkual Đồng bằng sông Cửu Long đah nkual ƀon têh Hồ Chí Minh n'hanh ăp nkual wăng sa tơm khlay mpeh bah dâng. Lah ta rơh lễ, Kruanh dak Nguyễn Xuân Phúc lah kloh, ntŭk ntô ntung trong lah kô̆ yơn dŭt khlay đah nkual đồng bằng Sông Cửu Long, n'hanh nău ƀư mbrơi âk năm ƀư nuĭh ƀon lan nuih ăl. Jêng Chính phủ hŏ geh ăp njuat hăn n'glêh an dăng nkra nkô̆ nău jêr jŏt mpeh tơm prăk, rnoh ngăch, nuĭh tơm ƀư ndranh…Kruanh dak rnê âk đŏng Tập đoàn Đèo Cả hŏ rđău đă ƀĭt juet lĕ n'hâm suan, ƀư ndăng măng nar, nkra ăp nkô̆ nău ndơ̆ luh, kơp lĕ ma tâm nuh srê, gay mbluh soih ƀư lôch trong hăn./.  

Nuĭh rblang: Điểu Thân