Nar 26/4, Kruanh dak Võ Văn Thưởng hŏ râng n’hanh geh nău lah ta Lễ nkah ndray 60 năm Nar way ơm Liên đoàn Thương mại n’hanh Công nghiệp Việt Nam. Kruanh dak rnê âk Liên đoàn Thương mại n’hanh Công nghiệp Việt Nam hŏ lôch jêh ăp nău kan ma Đảng, ngih dak jao an ƀư tâm 60 năm aơ, ntrŭt ntrôl mpôl doanh nghiệp n’hanh doanh nhân Việt Nam têh dăng.

Lôch bơi 40 năm rgâl mhe, rmôt doanh nhân, doanh nghiệp dak he hŏ geh nău têh dăng ngăch đah bơi 1 rkeh doanh nghiệp, rlău 5 rkeh rnăk tăch rgâl, bơi 30 rbăn hợp tác xã. Ndrel đah nê, bơi 30 rbăn doanh nghiệp geh tơm prăk ntuh kơl dak bah dih kan ta Việt Nam, rgop khlay tâm nău n’hao dơi kan ƀư njêng, tăch n’gluh, dăp rgum wăng sa n’hanh hun hao wăng sa Việt Nam. Kruanh dak lah rjăp, Đảng, Ngih dak way uănh khlay, ŭch tĭng kơl, nta trong dơh an nău hun hao, têh dăng bah rmôt doanh nhân, doanh nghiệp Việt Nam. Ta nar kan dja, Liên đoàn Thương mại n’hanh Công nghiệp Việt Nam ntoh măt Hội đồng Doanh nghiệp dâk bôk năp Việt Nam lah 21 nuĭh lăp kan nsum lor bôk năp lah ntơh măt ăp doanh nghiệp n’gâng kan têh Việt Nam