VOV4.M'nông: Ta nkual ƀon têh Việt Trì, UBND n'gor Phú Thọ hŏ ƀư Lễ ntơm ntuh kơl, rdâk njêng Jay văn hoá jroh mprơ n'gor Phú Thọ.  Kruanh dak Nguyễn Xuân Phúc tât râng rơh ntơm rdâk njêng. Jay văn hoá njroh mprơ n'gor Phú Thọ dơi  rdâk ƀư ta nkual Quảng trường Hùng Vương gay njêng ntŭk uĕh măt uănh nkual ƀon têh Việt Trì.

Jay ƀư geh lĕ rngôch tơm prăk ntuh kơl bơi 400 rmen prăk, hvi 1 rbăn ntŭk gŭ lĕ rngôch 3 dăp ntoh bah lơ n'hanh 1 dăp bah nâm neh n'hanh 1 dăp chor, rnoh hvi jay bơi 5 rbăn m². Nchrăp ƀư lôch jêh tâm năm 2023. Lôch ƀư jêh, Jay văn hoá njroh mprơ n'gor mbra lah ntŭk ƀư ăp nău kan njroh mprơ way ƀư n'hanh mô way ƀư, văn hoá njroh mprơ nsum mpôl n'hanh rgum ƀon lan mpeh chính trị, wăng sa, văn hoá- rêh jêng kon nuĭh êng ƀa ƀă bah ƀon lan, rhŏ dŏng nău ŭch geh djăt uănh njroh mprơ bah nuĭh ƀon lan n'hanh năch pâl nđaih./.

Nuĭh rblang: Điểu Thân