VOV4.M'nông: Ôi 7/2, ta Hà Nam, Kruanh dak Nguyễn Xuân Phúc râng lễ ntơm ƀư trong nchrăp gâl II (lvang 2) mpeh trong nchrăp ƀư nthoi đah trong cao tốc Hà Nội – Hải Phòng đah trong cao tốc Cầu Giẽ- Ninh Bình. Trong nchrăp gâl II (lvang 2) geh lĕ rngôch rnoh prăk ntuh kơl 702,82 rmen prăk, jong 16,3km, tă bah Sở Giao thông vận tải n'gor Hà Nam ƀư tơm ntuh kơl, nuĭh tơm ƀư ndranh lah doanh nghiệp xây dựng Xuân Trường.

Tât năm 2023 mbra ƀư lôch jêh, lah ta rnôk ntơm pah neh, Kruanh dak Nguyễn Xuân Phúc lah rjăp nău khlay bah trong cao tốc nthoi dja, mô dơn kơl bah lhăt bêng trong hăn an nkual ƀon têh Hà Nội ma hôm n'hao nău dơi tam nthoi, wăch rgum ntuh kơl n'hanh pơk hvi ntŭk tăch rgâl, pâl nđaih, nkual ƀon têh bah đồng bằng Bắc bộ. Kruanh dak dăn đă Bộ Giao thông vận tải, n'gor Hà Nam, Nuĭh tơm ntuh kơl, ăp nuĭh tơm ƀư ndranh gĭt ăp tŏng nău dơn kan đah nău nchrăp kan, ƀư di rnoh ngăch, đăp mpăn nâp uĕh ntung trong, njrăng bah sa khâm tâm ntuh kơl, rdâk njêng tơm./.  

Nuĭh rblang: Điểu Thân