Lôch bơi bar năm rlong, nar 16/6, Radio pơk ƀoh ngơi nkual Nam Trung bộ, ƀư ta nkuâl Thuận Nam, n’gor Ninh Thuận, pơk ƀoh ngăn nău ngơi, ndu nău ngơi Việt Nam ƀoh lot ngai tât ƀon lan, tahen nkual Nam Trung bộ n’hanh ndru gôl dak Trường Sa. Kruanh dak Võ Văn Thưởng râng sa nkra Radio pơk ƀoh ngơi. Ta rơh lễ, Groi Tổng Giám đốc Radio nău ngơi Việt Nam Vũ Hải Quang an gĭt, Radio pơk ƀoh ngơi Nam Trung bộ lah ntô ndop khlay bah lam trong Radio pơk ƀoh ngơi tơm khlay gưl neh dak, rgop kơl Radio nău ngơi Việt Nam ƀư lôch jêh uĕh lơn nău dơn kan chính trị ma Đảng n’hanh Ngih dak jao an.

Lah ta rơh Lễ sa nkra, ntơh măt kruanh rđău kan Đảng, Ngih dak, Kruanh dak Võ Văn Thưởng mbah rhơn nsum mpôl kruanh rđău kan, cán bộ, nuĭh kan bah Radio nău ngơi Việt Nam sa nkra Radio pơk ƀoh ngơi Nam Trung bộ di tâm rnôk nkah ndray Nar báo chí cách mạng, lah rjăp, nar kan dja geh nkô̆ khlay, ndu nău ngơi Việt Nam ƀoh lam nkual dak lêng gôl dak mpeh Đông Nam neh dak, ăp nkual jru, nkual ngai bah ăp n’gor Nam Trung bộ, rgop ndơ̆ nău ngơi bah Đảng, Ngih dak tât đah ƀon lan, nsĭt ăp nău lư dŭt khlay mpeh wăng sa, rêh jêng kon nuĭh, lơn  lah nău lư mpeh tât trôk nar, phŭt sial tât đah ƀon lan lơh joi ka ăp nău lư mpeh tâm boh dak bah dih bah Việt Nam đah ăp dak./.