VOV4.M'nông: Tâm rnôk khuh n'gôr bah bôk năm mhe Nhâm Dần, nkah ndray 92 năm njêng Đảng, Kruanh dak Nguyễn Xuân Phúc râng n'hanh lah ta Nar rgum "Mprang uĕh năm mhe lam neh dak” năm 2022. Lah ta nar rgum pâl, Kruanh dak Nguyễn Xuân Phúc nkah tay nău ntĭnh ntăn bah Kruanh Hồ Chí Minh: “Ƀon lan Yăn mô lah Thổ, Mường mô lah Mán, Gia Rai mô lah Ê Đê, Xê Đăng mô lah Ba Na n'hanh ăp rnoi mpôl đê̆ êng ƀa ƀă, lah kon său Việt Nam, lah oh nô du ndŭl mham da dê. He khĭt rêh geh nsum, krit jêr geh nsum, ji sât ji ngot geh nsum" n'hanh lah rjăp: Ndru tơm văn hiến têh hvi bah rnoi nuĭh Việt Nam dơi njêng luh bah 54 rnoi nuĭh oh nô tâm rnglăp, krêp dêh nsum. Nê lah du ndru tơm văn hóa âk mpưm, geh nău tâm ban ŭch âk mpeh nău ngơi, lah drăp ndơ dŭt n'hâm khlay bah rnoi nuĭh he. Uănh khlay du rnoi nuĭh, lor bôk năp lah uănh khlay du ndru tơm văn hóa bah rnoi nuĭh nê. Trong kơl rnoi mpôl đê̆ bah Đảng hŏ nta ăp trong dơh an nău mât đăp mpăn n'hanh hun hao geh nău êng tâm săk ntơr văn hoá bah ăp rnoi nuĭh, nkre ƀư an văn hoá bah ăp rnoi nuĭh tâm mplai nsum jêng văn hóa Việt Nam nâp dăng n'hanh chrat ang./.

Nuĭh rblang: Điểu Thân