VOV4.M'nông: Kêng măng ntri (26/8), Kruanh dak Nguyễn Xuân Phúc hŏ tât râng Nar rgum hăn tât Nhih nti bah Nhih nti Tiểu học, Trung học cơ sở n'hanh Trung học phổ thông Hy Vọng - nhih nti pêt mât n'hanh ntĭm nti ăp kon se jê̆ mô lap roh me bơ̆ tă bah COVID-19 ta Đà Nẵng.

Ta nar rgum, Kruanh dak Nguyễn Xuân Phúc rnê ăp kon se nti nhih nti Hy Vọng bol mhe njêng yơn hŏ rlău dơi nău đit prêng ndrel hăn nai ntĭm nti ƀư nar rgum hăn tât nhih nti âk nkô̆ khlay. Kruanh dak lah rjăp đah nău way ơm bah neh dak Việt Nam hŏ nchih jêng nău mprơ rnê mpeh suan rêh Việt Nam, mpeh nuih  n'hâm rlău dơi jêr jŏt nsan hao ntơm an jâng mhe trong hăn chrat ang tâm let năp tay. Kruanh dak nsing nơm đah nău tâm  rŏng n'hanh nău uănh khlay bah lam rêh jêng kon nuĭh ăp kon se kơt nti gay rgop rdâk njêng ƀon tơm, neh dak n'hanh ŭch rŏng ăp kon se nti geh kon đơi  me bơ̆ tâm rơh nuh srê COVID-19 ân nsrôih kơt nti, tiăr nti gay jêng nuĭh gĭt  blău uĕh an nău rêh jêng./.

Nuĭh rblang: Điểu Thân