VOV4.M’nông: Kêng măng 15/2, di nkah 233 năm nau lơh dơi Ngọc Hồi-Đống Đa (1789-2022), 92 năm nar ndâk Đảng Cộng sản Việt Nam, n’gor Bình ĐỊnh ƀư nau ntơm leo dŏng Ngih ôp brah Tây Sơn Tam Kiệt, ntŭk ƀư kan geh nau khlay mpeh nau vay ơm, văn hoá, khoa học, geh nsum ma nau lư bah Kđăch Quang Trung ndrel nau kan tâm lơh Tây Sơn, rơh Tây Sơn dŭt rach năm 18. Râng nar aơ geh Kruanh dak Nguyễn Xuân Phúc ndrel ur păng, rđau kan ăp n’gâng kan, ntŭk kan Trung ương, n’gor ndrel âk mpưm ƀon lan n’gor Bình Định.

Ntoh nau tâm nar nkah, Kruanh dak ntoh luh 5 nau ntĭm nti ueh tă bah Quang Trung-Nguyễn Huệ, Kruanh geh nau blau mpeh nau kan, blau mpeh võ công. Aơ lah ăp nau geh khlay đah nau kan neh dak, mât rnă njrăng neh dak ndrel geh âk nau khlay mpeh hun hao văng sa rêh jêng ân Bình Định lah êng ndrel lam dak lah nsum. Di rnôk aơ, Kruanh dak đă Đảng bộ n’gâng kan ndrel ƀon lan n’gor Bình Định ndrel N’gâng kan Văn hoá, Thể theo-pâl n’aih, ăp rmôt kan, ntŭk kan geh tât ân ƀư ân rjăp ndrel săk tam bôk nau kan bah neh dak mât ndrel ƀư ueh nau khlay ndơ ơm nkuăl ôp brah Tây Sơn Tam Kiệt, ơm ndâk nau kan mât ndrel hun hao nâp nâl nau ueh khlay bah neh dak./.

Nŭih rblang: H’Thi