VOV4.M’nông: Di nkah 68 năm nau lơh dơi bah Điện Biên Phủ (7/5) lơ 18/5, ta nkuăl ƀon têh Điện Biên n’gor Điện Biên, Kruanh dak Nguyễn Xuân Phúc hŏ râng ndrel ƀư nau ntơm leo nkra nkra ngih ôp brah ăp tahen khĭt tâm ntŭk tâm lơh Điện Biên Phủ ndrel rgŏ jă bôk nau kan Ngih kơl an, kơl an nau rêh. Ntoh nau tâm nar nkah, Kruanh dak Nguyễn Xuân Phúc nkah ngăn ndrel ntoh nau lah ueh tât Kruanh Hồ Chí Minh têh dăng, nkah Đại tướng Võ Nguyên Giáp, nkre mro mrăng nkah gĭt nau kơl an têh bah ăp rđau kan, cán bộ, tahen, druh ndăm leo trong lor.

Dân công hoả tuyến, tahen ndrel ƀon lan lam dam dak hŏ janh dăng rnôk tâm lơh, khĭt, ƀư jêng nau dơi Điện Biên Phủ. Lah rjăp mro rđau ƀư ueh nau tâm rlong “kơl an”, “ngêt dak nkah gĭt tu” đah ăp nau kan, nau ntrŭnh kơl, Kruanh dak ân lah, ntŭk ôp brah nkah tahen khĭt gay ma rgum huêng ăp tahen ơm tâm neh Điện Biên, mra lah ntŭk ƀư nau ôp brah, nkah ăp nau kan têh ang bah ăp nŭih khĭt, kơl an nau rêh nơm ân neh dak./.

Nŭih rblang: H’Thi