Tâm bôk nău kan khâl gưl ngih dak tât Italia, jêh lôch uĕh bah rgum nchră n’hanh ăp rơh mâp đah kruanh gưl prêh Italia, Kruanh dak Võ Văn Thưởng n’hanh I ur lĕ râng Quốc yến yor Tổng thống Italia ndrel kon bu ur ƀư tơm. Ntoh ngơi ta ngêt sông, Tổng thống Iatlia mĭn lah: Việt Nam lah dak kan ndrel khlay đah nău tâm ban n’hanh hao bah Ấn Độ Dương-Thái Bình Dương, nkual ma Italia dôl nar lơ khlay, tâm nău kan têh bah Liên minh châu Âu.

Ntoh ngơi ơh tay, Kruanh dak Võ Văn Thưởng kơp tay ăp nkô̆ nău tâm rgâl đah wa Tổng thống n’hanh kruanh gưl prêh Italia tâm rơh khâl aơ, Kruanh dak an gĭt, 2 ding nkoch nău ŭch n’hanh nsrôih ndơ̆ tâm boh kan ndrel đah 2 dak hăn du plơk mhe, têh dăng n’hanh săk rnglăy lơn, rgop tâm ăp nău rƀŏng nsum mpeh hun hao nâp nâl n’hanh mkra ăp nău lam ntŭr neh ta nkô̆ nău tâm ban n’hanh geh ndrel, dơi joi nău dơh n’hanh nău geh bah ăp dak, yor nău geh bah ƀon lan 2 dak, yor đăp mpăn, kan ndrel n’hanh hun hao ta nkual n’hanh ta lam ntŭr neh.