VOV4.M’nông – Rƀŏng tât nkah gĭt 74 năm Nar Kruanh Hồ Chí Minh kuăl jă tâm rlong rŏng dak, 60 năm nar way ơm Cảnh sát nhân dân, măng 5/6, di Nar nkah gĭt 111 năm Wa Hồ hăn joi trong kơl neh dak, ta Cung văn hóa lao động hữu nghị Việt Xô (Hà Nội), N’gâng kan Công an ƀư nar tâm nđŭr nghệ thuật, rnê rhơn Kruanh Công an xă ntoh lư “rêh tâm nuih n’hâm ƀon lan”.

Kruanh dak đă n'gâng kan Công an ndâk njêng rup ndah cán bộ công an xă, nkuăl têh dăch dêh đah nuĭh ƀon lan rhŏ an ƀon lan

Râng n’hanh ntoh ngơi ntĭm rđău nar ƀư, Kruanh dak Nguyễn Xuân Phúc uănh lah prêh Đảng ủy Công an Trung ương, N’gâng kan Công an lĕ ƀư uĕh Nghị quyết bah Bộ Chính trị mpeh rgâl mhe tay, dăp ƀư n’gâng tơm N’gâng kan Công an ngăch dơh, tam, săk rnglăy; n’hanh Nghị quyết mrô 42 bah Chính phủ ntrŭnh nău ndâk njêng Công an xă, nkuăl têh chính quy. Tĭng nĕ, rmôt công an nhân dân dơi ƀư, pah kan tĭng 4 gưl, đah trong way ƀư n’gâng kan bah lơ ngăch, n’gor dăng, nkuăl lĕ rngôch, xă tĭng ta ntŭk, tâm nĕ lĕ jêh nău pă Công an chính quy dơn nău kan công an xă ta lam dak.

Nuĭh rblang: Y Sưng Phê Ja