VOV4.M’nông-Ôi nar 28/8, ta nkuăl ƀon têh Sầm Sơn, n’gor Thanh Hóa, kruanh dak Nguyễn Xuân Phúc râng rơh ntơm njêng nkual nkah ndrăy ƀon lan, cán bộ, tahen n’hanh kon hoc miền Nam rgum ta Bắc, rơh mbơh nău ntrŭnh bâh Thủ tướng Chính phủ kơp dơn nkuăl ƀon têh Sầm Sơn lĕ geh ƀư lôch nău kan rdâk njêng nkual ƀon lan mhe, rơh vơt dơn Huân chương Lao động hạng pe bâh kruanh dak.

Tĭng nău mbơh tơih, ta rơh lễ, bâh n’gul khay 10 năm 1954 tât khay 5 năm 1955, ta xã Quảng Tiến, aƀaơ lah phường Quảng Tiến, nkuăl ƀon têh Sầm Sơn, n’gor Thanh Hóa geh knơm pă vơt rlău 47.300 cán bộ, bơi tât 7.500 kon hoc, sinh viên, rnăk vâl cán bộ ta mpeh Nam gŭ kan. Aƀaơ, tĭng nău ŭch rŏng bâh ăp tahen ơm, tahen, kon hoc gŭ rgum kan, n’gor Thanh Hóa pă an nkuăl ƀon têh Sầm Sơn pă rnoh neh gay ma rdâk njêng ntŭk mât ndrăy ƀon lan, cán bộ, tahen n’hanh kon hoc mpeh Nam gŭ rgum kan nti ta Bắc. Ntoh ngơi ta rơh lễ, kruanh dak Nguyễn Xuân Phúc rnê âk n’gor Thanh Hóa, nkuăl ƀon têh Sầm Sơn lĕ geh nău nchrăp ueh ngăn an ntơm njêng nău kan nkual nkah ndrăy ƀon lan, cán bộ, tahen n’hanh kon hoc mpeh Nam gŭ rgum ta Bắc, nkre lah đă an geh ƀư tĭng di nău nchrăp gay ma ndơ̆ lăp dŏng di rơh kahgĭt 70 năm ƀon lan, cán bộ, tahen, kon hoc miền Nam gŭ rgum ta Bắc.

Nuĭh rblang: Thị Đoắt