VOV4.Mnông-Ta măng nar 6/4, tâm nău ntoh n’gôr lam dak dôl mpŏng tât nar Giỗ Tổ Hùng Vương 10/3, nkuăl ƀon têh Cần Thơ ƀư rơh sa nkra đền thờ kađăch Hùng, du nău kan văn hóa mpơl nău way ueh ơm têh khlăy ngêt dak kahgĭt tu bâh mpôl rnoi, gay ma kahgĭt nău kan rdâk njêng ngih dak bâh ăp kađăch Hùng. Ntơm rơh lễ, ta Đền tơm bâh đền thờ kađăch Hùng, kruanh dak Nguyễn Xuân Phúc leo mpôl leo kan, tă leo kan Đảng, ngih dak mpoh nhang kahgĭt, lah ueh tât nău kan bâh ăp kađăch Hùng. Kruanh dak, nuĭh tơm leo mpoh nhang ta ăp ntŭk mbah ryơk tĭng bâh Quốc tổ Hùng vương, bap Lạc Long Quân, me Âu Cơ, Lạc tướng n’hanh lạc Hầu. Nchih ta săm ƀŭt nkah ndrăy Đền, kruanh dak Nguyễn Xuân Phúc mpơl nău ŭch rŏng, ta aơ mbra lah ntŭk rgum nău huêng khlăy mbah ryơk ăp kađăch Hùng ta nkual neh phương Nam n’hanh tâm rgop huêng khlăy đah Đền Hùng neh Bắc, kơt lah tu tơm Bắc- Nam du jay, dak nor du ntôr, hun hao têh dăng, nâp kuăng.

Nuĭh rblang: Thị Đoắt