VOV4.M’nông- Ôi nar 17/5, ta ntŭk kan kruanh dak, kruanh dak Nguyễn Xuân Phúc tâm mâp mpôl đại biểu nuĭh geh nău knơm tâm ƀon lan rnoi đê̆ n’gor Tuyên Quang. Ta rơh tâm mâp măt, kruanh dak lah na nê̆, Đảng, ngih dak way uănh nău kan mpôl rnoi lah nău kan tơm khlăy tâm nău kan cách mạng bâh dak he, lĕ geh mbơh ƀư âk bôk nău kan têh hun hao wăng sa- rêh jêng, mât đăp mpăn rnă njrăng nkual ƀon lan rnoi đê̆ n’hanh gôl yôk, gay ma rgâl mhe nău rêh n’hanh nău mĭn bâh ƀon lan ăp  mpôl rnoi đê̆ n’hanh nsrôih an bah ir geh nău tâm ƀah đah gôl yôk n’hanh nkual rđŭng.

Tâm let năp tay, kruanh dak Nguyễn Xuân Phúc đă ăp n’gâng kan, ntŭk kan n’hanh ăp n’gor, tâm nĕ geh Tuyên Quang rgum ndâk nsơm ăp nău kŏ khan, nău mô dơi, ntop, ƀư lôch nău kơl kan gay ma n’hao tay lơn nău kan bâh nuĭh geh knơm tâm nkual rnoi đê̆, ntop ƀư tĭng an geh săk rnglăy nău kan mpôl rnoi bâh Đảng n’hanh nău kơl mpôl rnoi bâh ngih dak aƀaơ.

Nuĭh rblang: Thị Đoắt