VOV4.Mnông- Ta năp nĕ, ta nkuăl ƀon têh Đà Nẵng, kruanh dak Nguyễn Xuân Phúc, kruanh hội đồng mât rnă njrăng ngih dak n’hanh rnă njrăng lĕ tât khâl, uănh nđôi nău kan kâp chăm lor ta nar Tết Nguyên đán Nhâm Dần 2022 bâh bộ tư lệnh quân khu 5. Lah na nê̆ Quân khu 5 lah ntŭk kan tơm khlăy, 11 n’gor, nkuăl ƀon têh, đah 922km trong kơh dak lêng, kruanh dak Nguyễn Xuân Phúc dăn đă Quân khu ƀư ueh jăp nău kan kâp chăm lor, mbra tâm rdâng tâm lơh tâm rnôk geh âk nău tât ndal, rnă njrăng geh tât mât rnă njrăng ngih dak, rnă njrăng. Kruanh dak dăn đă Đảng ủy, leo kan n’gâng kan tư lệnh tât uănh nđôi, an geh ƀư ueh tay nău kan mât chăm tết an tahen, rnăk vâl nuĭh dơi kơl, geh nău rêh jêr jŏt ta ntŭk, ngăn lah ta nkual gôl yôk, n’har bri, gôl dak, ƀư ueh tay lơn nău kan tâm pêt tâm kơl, nău kan kơl an tâm ntŭk kan tahen.