VOV4.M’nông: Kêng măng 25/4, Kruanh dak Nguyễn Xuân Phúc, Kruanh rmôt kan neh dak-đăp mpăn tât khâl, pah kan, mêt uănh nau ƀư nau kan tahen neh dak tâm quân khu 1. Ntoh nau tâm nar pah kan, Kruanh dak Nguyễn Xuân Phúc lah rjăp, rơh rlau aơ, N’gâng kan Rđau kan Quân khu 1 hŏ mro ƀư ueh nau kan tahen ndrel neh dak tâm nkuăl. Ngăn lah, rmôt tahen Quân khu hŏ ndrel ma gưl uỷ, n’gâng kan râng ân geh săk tam nau kan njrăng, rklaih nau khuch bah trôk nar lơh, kơl an...

Nau kan ntop kơl, jut n’huch ach o, ăp nau kan kơl an, njrăng rdâng srê Covid-19...rgop nau ƀư lơn ma ueh rup gui tahen Wa Hồ tâm nuih n’hâm ƀon lan. Kruanh dak nkah, rmôt tahen Quân khu 1 ân geh nsôih ƀư jêh ueh ngăn ăp nau kan tahen, neh dak, mra tâm lơh ndrel tâm lơh mât neh dak tâm rnôk mhe, ntop tay ăp nau ueh ơm bah Chiến khu 1, Liên khu 1, Liên khu Việt Bắc, Quân khu Việt Bắc kăl e ndrel Quân khu 1 rnôk aơ./.

Nŭih rblang: H’Thi