VOV4.M’nông – Ntoh ngơi ta nar pah kan bah Mpôl Ntoh măt Quốc hội nkual ƀon têh Hồ Chí Minh đah UBND nkual ƀon têh tâm nar 13/10 mpeh nu nău wăng sa-rêh jêng n’hanh ƀư tĭng Nghị quyết mrô 54 bah Quốc hội, Kruanh dak Nguyễn Xuân Phúc an lah, tât rnôk aơ, nkual ƀon têh Hồ Chí Minh ŭch geh trong ƀư êng mhe gay Nkual ƀon têh janh mĭn, janh ƀư, hun hao ngăch lơn.

Kruanh dak ntoh ngơi ta nar pah kan.

Mpeh nău mbơh ƀư Nghị quyết 54 bah Quốc hội, uănh lah prêh nkual ƀon têh Hồ Chí Minh lĕ ƀư săk rnglăy Nghị quyết, yơn Kruanh dak an lah, Nkual ƀon têh mô hŏ dơi mât tâm ban ăp trong ƀư êng, nkre uănh tay nău ntĭm rđău bah Tổng Bí thư Nguyễn Phú Trọng ta nar pah kan đah nkual ƀon têh mhe aơ lah an uănh nău ƀư tĭng Nghị quyết 54, bah nĕ dăn đă ăp trong ƀư an êng, âk lơn gay kơl nkual ƀon têh hun hao têh dăng lơn.

VOV.VN/Nuĭh rblang: Y Sưng Phê Ja