Kêng măng 14/7, ta Ntŭk kruanh dak, Kruanh dak Võ Văn Thưởng an nău ntrŭnh săch Thẩm phán Ngih phat dôih gưl prêh an wa Nguyễn Hồng Nam, Thẩm phán gưl prêh, Groi Chánh an ngih phat dôih nuĭh ƀon lan gưl prêh ta Hà Nội. Mbah rhơn wa Nguyễn Hồng Nam lap dơi đảng, ngih dak nsing nơm an nău kan Thẩm phán ngih phat dôih gưl prêh, Kruanh dak an lah, aơ nău lap, ntô̆ n’hao nkre lah nău kan jâk mbăn đah wa.

Kruanh dak nsing nơm, wa Nguyễn Hồng Nam mbra mât nău way ơm têh uĕh bah nău kan Ngih phat dôih ƀon lan, nsrôih lôch uĕh nău kan dơi jao, tâm di đah nău nsing nơm bah Đảng, Ngih dak, nuĭh ƀon lan n’hanh cán bộ, công chức, viên chức nău kan phat dôih. Thẩm phán Nguyễn Hồng Nam nkoch nău lap n’hanh răm dơi Kruanh dak an nău ntrŭnh săch Thẩm phán Ngih phat dôih gưl prêh, nkre djăt tay n’hanh ƀư tĭng lĕ rngôch nău rgop bah Kruanh dak, ton mbra lôch uĕh ăp nău kan dơi jao.