Ta Ntŭk rgum tâm nchră đah dak bah dih, Hà Nội, Kruanh dak Võ Văn Thưởng ƀư tơm rơh jă ngêt sa rgum mbah rhơn Tổng thống Cộng hòa Kazakhstan Kassym-Jomart Tokayev khâl ngăn Việt Nam. Uănh tay du njăr trong jong rlău 30 năm bar dak njêng tâm boh tâm brê, Kruanh dak lah rjăp, Việt Nam n’hanh Kazakhstan geh tŏng ăp ntil ndơ gay jêng ăp nuĭh băl ŭeh tâm njăr trong hăn mhe.

Lah ta rơh jă ngêt sa, Kruanh dak Võ Văn Thưởng lah rjăp, bar dak n’hao êng săk mpeh tâm rnglăp, tâm boh, krêp dêh; tâm boh bar ding mô rlu dơi bun dăp, nar lơn ma dơi rdâk tay n’hanh hun hao. Đah nău hăn khâl dja, kruanh rđău kan bar dak hŏ tâm ban ŭch rƀŏng trong khlay gay ntrŭt ntrôl lơn tâm boh bar dak, Kruanh dak nsing nơm, đah nău mĭn n’hanh nău rđău đă grêt dêh bah Kruanh rđău kan gưl têh bar dak, ăp siƀŭt nchrăp lor tâm boh n’hanh tâm ton hŏ dơi geh tâm rnôk hăn khâl rơh dja mbra dơi bar ding an ƀư geh nău tam, ndơ̆ tâm boh đah Việt Nam n’hanh Kazakhstan nar lơn ma hun hao./.