Aơ lah rơh tât khâl Áo bôk năp bâh kruanh dak Việt Nam tâm 15 năm ba năp n’hanh lah nău kan tâm rgâl mpôl kan nuĭh tă leo kan ngih dak bôk năp đah Việt Nam đah Italy n’hanh Vatican tâm 7 năm ba năp, lah nău khlăy ta rơh kahgĭt 50 năm njêng tâm boh kan nchră nău đah dak bah dih n’hanh 10 năm tâm boh kan ndrel Việt Nam-Italy.

Kêng măng lơ 23/7, tĭng mông ta ntŭk, lôch tât ta thủ đô Vienna, kruanh dak Võ Văn Thưởng lĕ tâm mâp Đại sứ Việt Nam ta Áo n’hanh 6 đại sứ Việt Nam ta ăp dak EU geh nsum trong n’har bri đah Áo geh Đức, Bỉ, Séc, Thụy Sỹ, Hungary n’hanh Slovakia. Aơ lah nău kan bôk năp tâm bôk nău kan tât khâl dak CH Áo bâh kruanh dak. Lôch nĕ, kruanh dak Võ Văn Thưởng vơt wa Alfred Gerstl, kruanh Hội hữu nghị Áo-Việt Nam n’hanh ăp nuĭh băl dak Áo.