Rơh hăn pah kan bah Kruanh dak rơh aơ lah nău ƀư tâm rnglăp nchră nău gưl prêh geh nkô̆ nău dŭt khlay, mĭn lah tay jâng nsan n’hanh nău ƀư tơm bah dak he ta nkual n’hanh ta lam ntŭr neh. Nău Kruanh dak râng ƀư wơt dơn nău kan bah nuĭh kđăch Charles 3 ƀư nău khlay bah Việt Nam đah Hoàng gia Anh n’hanh tâm boh kan ndrel têh Việt Nam-Anh.

Tĭng Đại sứ Việt Nam ta dak Anh Nguyễn Hoàng Long, aơ lah rơh khâl Vương quốc Anh rơh tal 2 bah Kruanh dak he jêh bơi 2 rach năm, tâm rnôk tâm boh 2 dak Việt Nam n’hanh Anh dôl ta lvang hun hao uĕh ngăn bah xa ơm tât aƀaơ. Lơn lah, năm 2023, 2 dak dôl ndrel nkah gĭt 50 năm ndâk njêng tâm boh tâm rnglăp ndrel đah âk nău ƀư geh nkô̆ khlay, uĕh n’hanh ntoh lư ta âk nkual ta lam Việt Nam n’hanh Vương quốc Anh.