Lôch jêh nău dơi uĕh lăng bah trong hăn khâl Tòa thánh Vatican, ôp srĭng nău Giáo hoàng Francis, ôi 7/8, Kruanh dak Võ Văn Thưởng hŏ tât khâl, mâp Hội đồng Giám mục Việt Nam ta Văn phòng Hội đồng Giám mục Việt Nam ta Nkual ƀon têh Hồ Chí Minh. Aơ lah lor bôk năp, Kruanh dak Võ Văn Thưởng tât khâl Hội đồng giám mục Việt Nam kalơ nău kan kruanh dak. Mbơh mpeh lôch jêh hăn khâl Tòa thánh Vatican, Kruanh dak an gĭt hŏ ôp srĭng nău Giáo hoàng Francis, pah kan đah Thủ tướng Tòa thánh - Hồng y Pietro Parolin, dơi ƀon lan chroh bap lam dak dŭt uănh khlay.

Rơh ôp srĭng nău đah Kruanh dak Võ Văn Thưởng n’hanh Giáo hoàng Francis ƀư jŏ rlău đah nău nchrăp. Giáo hoàng hŏ ŭch njuăl nău mbơh gĭt lor đah kon chroh bap Việt Nam. Tổng Giám mục Nguyễn Năng lah rjăp, ƀon lan kon chroh Bap way rhơn nđơr rêh chroh, rêh geh huêng jăt kơl, tĭng di đah nău ôp kuăl bah Giáo hội, Giáo hoàng, n’glăp săk rhŏ dŏng an ƀon lan, rêh jêng kon nuĭh neh dak; Giáo hội ŭch rŏng râng âk lơn tâm ăp trong kan ntĭm nti, dak si, ƀon lan rêh jêng, bah nê, rgop âk lơn đŏng an nsum mpôl lam ƀon lan./.