Nĕ lah đồng chí: Tổng Bí thư, Kruanh dak Lào Choummaly Sayasone; Tổng Bí thư: Kruanh dak Lào Bounnhang Vorachith n’hanh Thủ tướng Chính phủ Lào Thongsing Thammavong.

Kruanh dak Võ Văn Thưởng nkoch nău răm rhơn dơi mâp ăp nuĭh đồng chí, nuĭh băl bên jŏ năm bah kruanh rđău kan n’hanh nuĭh ƀon lan Việt Nam; lah uĕh ngăn ngên ăp đồng chí tă ƀư kruanh dak Lao lĕ geh âk n’hâm soan n’hanh rgop têh kuăng tâm nău mât rong an nău tâm boh ndrel, tâm rnglăp Việt Nam-Lào kơt uănh tât mro, kơl an nău hun hao lĕ rngôch bah tâm boh dăch dêh n’hanh kan ndrel đah 2 dak. Kruanh dak nkoch nău nsing nơm, đah nău rđău uĕh b ah Đảng Nhân dân Cách mạng Lào, neh dak Lào mbra ơm rlet rlău jêr jŏt, nar lơ hun hao đăp mpăn, ƀư tơm, uĕh lăng, nuĭh ƀon lan Lào oh nô nar lơ hơm răm n’hanh uĕh lăng.