Lôch rơh vơt, kruanh dak Võ Văn Thưởng n’hanh Tổng thống Hàn Quốc mbơh tơih ăp đại biểu gâl têh 2 dak tât râng rơh vơt. Lôch nĕ, 2 hê nuĭh leo kan leo bôk năp mpôl kan gâl têh 2 dak ƀư tâm nchră.

Uănh nău tâm boh kan đah Việt Nam, tĭng Tổng thống Hàn Quốc tât khâl Việt Nam rơh aơ geh dŭt âk đại biểu gâl têh geh: groi Thủ tướng mât nău kan wăng sa nkre kan kruanh n’gâng kan trong kan tơm n’hanh tơm prăk Choo Kyung Ho n’hanh du đê̆ kruanh n’gâng kan, nuĭh leo kan ăp n’gâng kan, ntŭk kan. Rlău ma nĕ hôm nha geh rlău 200 doanh nghiệp Hàn Quốc. Aơ lah rnoh doanh nghiệp dŭt âk ta rơh tât khâl dak bah dih dăch aơ bâh Tổng thống Yoon, an saơ nău khlăy mpeh tâm kơl wăng sa, ntuh kơl, tăch rgâl bâh 2 dak. Ơh nău ôp ta năp rơh tât khâl Việt Nam, Tổng thống Hàn Quốc Yoon Suk Yeol ŭch ntrôl nău tâm kơl đah Việt Nam ta âk trong kan.