Rơh khâl bah Kruanh dak Võ Văn Thưởng tât Lào lĕ geh tât 18 nău ƀư âk ntil n’hanh uĕh ta Thủ đô Viêng Chăn đah âk săk rnglăy na nê̆, jêng n’hâm soan mhe, geh nkô̆ nău khlay an tâm boh kan ndrel Việt Nam-Lào ta lĕ rngôch ăp trong n’hanh ăp ntil kan ndrel.

Rơh hăn khâl rgop ƀư săk rnglăy ăp tâm ton gưl prêh bah 2 Đảng, 2 dak, lơn lah tâm ton trong kan ndrel Việt Nam-Lào lvang 2021-2030 n’hanh Hiệp định mpeh kan ndrel ăp ding Việt Nam-Lào lvang 2021-2025. Ta rơh khâl aơ, Kruanh Gưl prêh 2 dak mĭn lah tay uănh khlay mro n’hanh an kơl lor têh ngăn an nău nâp nâl n’hanh tâm tâm boh têh, tâm rnglăp têh n’hanh kan ndrel lĕ rngôch Việt Nam-Lào; uănh aơ lah drăp ndơ khlay, nkô̆ nău rêh tay đah nău kan cách mạng bah ăp dak.