Kêng măng 28/6, Kruanh dak Võ Văn Thưởng ndrel ăp ntoh măt Quốc hội nkuăl ƀon têh Đà Nẵng mâp cử tri nkuăl ƀon têh, mbơh nau tă geh bah rơh rƀŭn tal 5, Quốc hội gưl 15. Kruanh dak rnê prêh cử tri nkuăl ƀon têh mbơh ăp nau mhe, ntoh bah nau kan, nau ŭch ndrel nau geh dơi đah nau hun hao bah nkuăl ƀon têh ndrel neh dak. Tâm nar mâp, ăp cử tri rnê prêh Quốc hội geh nau rƀŭn ueh, rgum ndrel tŏng dơi nau ŭch bah ƀon lan, tâm nê geh nau rgop bah rmôt kan ntoh măt Quốc hội nkuăl ƀon têh Đà Nẵng.

Cử tri ntoh du đê̆ nau kan ân geh kơl an rnôk aơ lah ân ntrŭt dăng nau nkoch mbơh nau ntrŭnh ndrel ăp nau khlay bah ƀon lan lơn đŏng, lŏ đă Đảng, Ngih dak ân geh ntrŭt dăng nau kan njrăng, rdâng nau sa khâm, mpŭng lir, ăp nau hôm nkol tâm nau rlong ƀư du đê̆ nau kan ta nkuăl ƀon têh Đà Nẵng...Bah năp nê, di nar rnăk vâl Việt Nam 28/6, Kruanh dak Võ Văn Thưởng hŏ tât khâl rnăk vâl Nhà giáo nhân dân Nguyễn Trọng Hoàng./.