Nar 24/7, Kruanh dak Võ Văn Thưởng n’hanh I ur lĕ khâl Tòa Thị chính n’hanh mâp Kruanh nkual ƀon têh Vienna. Kruanh dak Võ Văn Thưởng nkoch nău rhơn rơh bôk năp tât khâl Thủ đô Viên, play nuih bah dak Áo, ntŭk văn hóa bah Châu Âu, ntŭk mât ndrăy ăp nău khlay văn hóa bah châu Âu n’hanh âk năm dơi săch lah nkual ƀon têh dơi rêh uĕh ngăn ta lam ntŭr neh. Kruanh nkual ƀon têh Viên nkoch nău lap râng wơt Kruanh dak Võ Văn Thưởng, I ur n’hanh Mpôl đại biểu gưl prêh Việt Nam tât khâl na  nê̆ Áo n’hanh thủ đô Viên.

Kruanh nkual ƀon têh Viên mbơh đah Kruanh dak mpeh nu nău hun hao wăng sa-rêh jêng bah nkual ƀon têh Viên. Kruanh nkual ƀon têh Viên lĕ kơp tay ăp Rƀŭn nchră khoa học mpeh Kruanh Hồ Chí Minh, nău kan ndrel rjăp đah thủ đô Viên n’hanh thủ đô Hà Nội, nkah tay ăp rơh khâl Áo bah Kruanh gưl prêh Việt Nam. Tâm rnôk tâm boh Việt Nam-Áo dôl hun hao uĕh lăng, nkual ƀon têh Viên mpŏng ntrôl dăng kan ndrel đah ăp ntŭk Việt Nam, ngăn lah mpeh tăch rgâl, pâl nđaih, tâm nđŭr nuĭh ƀon lan, văn hóa-nghệ thuật.