Ôi 14/6, ta Nhih pah kan kruanh dak, Kruanh dak Võ Văn Thưởng mâp măt, mpư rnê 140 nuĭh ntoh lư  tâm trong leo njrăng, n’gang ma túy lam dak n’hanh ntơh măt 28 rnăk tahen ơm khĭt tâm pah kan njrăng, n’gang ma túy. Rơh mâp măt ƀư tâm rnôk ăp đại biểu râng Bôk  nău  kan mpư rnê nuĭh ntoh lư tă bah Bộ Công an ƀư n’hanh tĭng khay kan njrăng, n’gang ma túy (khay 6/2023).

Lah ta rơh mâp măt, Kruanh dak mpư rnê nău nsrôih, ăp nău dơi ngăch prăl ma ăp mpôl kan hŏ dơi geh tâm bah ri aơ, lơn lah 140 mpôl, ăp nuĭh ntoh lư, nsum mpôl lam ƀon lan geh âk nău rgop tâm pah kan njrăng, n’gang ma túy ta rơh mâp măt, Kruanh dak an lah, aơ lah ăp nuĭh leo trong kloh ang, găr ntil n’gâng tơm rgop ƀư jêng geh nău dơi an pah kan njrăng, n’gang ma túy nar lơn ma geh nău tam đŏng. Kruanh dak ŭch rŏng nar lơn ma geh tay âk nuĭh ƀon lan râng geh nău dơn kan kan nsum đah ăp mpôl kan dơi kan, nsum ti “yor du nău rêh mô hôm geh ma túy”, nsĭt an oh kon tă geh nău tih lăp rgum nău rêh nsum mpôl./.