Kruanh dak Võ Văn Thưởng mâp măt đại biểu nuĭh geh soan n’gor Vĩnh Long
Thứ tư, 11:36, 31/05/2023
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV4.M’nông - Ôi 30/5, ta Ntŭk kruanh dak, Kruanh dak Võ Văn Thưởng mâp măt rmôt 70 đại biểu nuĭh geh soan n’gor Vĩnh Long lah ăp tahen ơm, nuĭh tă geh krŭng, nuĭh ntưp khih dak si deoxin, nuĭh bên tahen lĕ khĭt n’hanh rnăk wâl nuĭh geh soan.
Tât aƀaơ, lam n’gor Vĩnh Long geh 16 rbăn tahen lĕ khĭt, 4.500 tahen ơm n’hanh tahen sôt rmanh, bơi 3000 Mê̆ Việt Nam janh dăng. Kruanh dak mpŏng nuĭh geh soan Vĩnh Long mât uĕh tay nău way ơm ntô̆ n’hao bah ƀon tơm rgop soan, rgop soan an nău kan hun hao ƀon tơm Vĩnh Long janh dăng.
Ntoh ngơi ta nar mâp măt, Kruanh dak rnê rhơn âk nuĭh geh soan n’hanh rnăk wâl lĕ rlău nău kop ji, jêr jŏt, mât uĕh nuih n’hâm hao tâm nău rêh, ndâk njêng nău rêh văn hóa ta ntŭk. Ăp đại biểu bôl săk ranh, soan mô dăng, hôm e ŭch rgop an ƀon tơm, neh dak, ntĭm nti, tiăr nti nău mĭn an rơh druh ndăm. Kruanh dak mpŏng nuih n’hâm aơ dơi mât ndrăy, ƀư uĕh lĕ rngôch nuĭh geh soan lam dak, rgop ndâk njêng ƀon tơm, neh dak nar lơ ndrŏng uĕh.
Viết bình luận