Kêng măng 25/5, Kruanh dak Võ Văn Thưởng hŏ mâp măt 75 đại biểu ntoh lư druh ndăm ƀư tĭng nău Wa bah Đảng ủy Khối ăp nhih pah kan Trung ương. Aơ lah ăp nuĭh ntoh lư tâm kơt nti, ƀư tĭng nău mĭn nuih n’hâm uĕh lŏng Hồ Chí Minh, geh rgop âk an pah kan Đoàn n’hanh trong leo mpôl druh ndăm kon se jê̆, geh nău nsing nơm n’hanh ring tam tâm đoàn viên, druh ndăm Khối ăp nhih pah kan Trung ương.

Kruanh dak Võ Văn Thưởng mbah rhơn, mpư rnê ăp druh ndăm ntoh lư Khối nhih pah kan Trung ương mpeh ăp nău dơi geh tâm bah ri aơ, nkre lah rjăp mpeh nău khlay bah druh ndăm Khối ăp nhih pah kan Trung ương lah êng, druh ndăm đoàn viên lam dak lah nsum tâm n’gâng kan rdâk njêng n’hanh mât njrăng neh dak. Kruanh dak ŭch rŏng ăp đoàn viên druh ndăm  bol ta ah ntŭk gŭ kan ân ƀư dŭt jăp nău kan bah he đah nău dơn kan n’hanh săk tam âk gay rhŏ dŏng neh dak, rhŏ dŏng ƀon lan, di lah druh ndăm ntoh lư./.