Kêng măng 25/7, Kruanh dak Võ Văn Thưởng n’hanh I ur ndrel Mpôl gưl prêh dak he lĕ tât Thủ đô Roma, ntơm rơh hăn khâl tât Italia. Kruanh dak lĕ tât khâl n’hanh nkoch bri đah cán bộ, nuĭh kan Đại sứ quán Việt Nam, nuĭh gŭ dak bah dih he dôl gŭ rêh, pah kan n’hanh nti ta Italia. Aƀaơ geh nklăp 5000 nuĭh Việt Nam rêh ta Italia, geh gưl pháp lý đăp mpăn, tâm rnglăp mro, dăch dêh n’hanh dơi ngih dak ta ntŭk uănh lah prêh.

Kruanh dak mpŏng nuĭh Việt Nam gŭ ta Italia mât nâp nău uĕh văn hóa way ơm bah nuĭh Việt. Mât uĕh tay nău way ơm tâm rnglăp, tâm kơl ndrel tâm nău rêh, tĭng uĕh luật pháp dak ta ntŭk. Uănh lah prêh ăp nuĭh gĭt blău, nuĭh khoa học, doanh nhân, rmôt kan dak bah dih an âk mông nar mĭn njêng, mpla nsơ văn hóa Việt Nam, Kruanh dak an lah, nĕ lah nău dŭt ryơk. Ndơn măt Đảng, Ngih dak, Kruanh dak Võ Văn Thưởng lah uĕh ăp băl mpôl Italia đêp rmên đah Việt Nam lĕ uănh kơl, ntop kơl Việt Nam tâm âk năm bah năp.