Ôi 5/2, ta Hà Nội, Kruanh dak Võ Văn Thưởng tât khâl, ôp uănh pah kan kâp njrăng n’hanh mbah rhơn Tết cán bộ, tahen Bộ Tư lệnh Cảnh sát Cơ động nkhêp geh wơt năm mhe Giáp Thìn 2024. Ta rơh mbah rhơn Tết, Kruanh dak lah rjăp, Bộ Tư lệnh Cảnh sát cơ động ân ƀư  jăp pah kan rdâk njêng Đảng kloh rsang ngăn, nâp dăng, tĭng ƀư jăp 6 nkô̆ wa Hồ ntĭm Công an ƀon lan, gay ăp nuĭh cán bộ, tahen ntĭt leo lor  ngăn, lah rup gui bah nuĭh Công an ƀon lan yor neh dak chuêl săk nơm, yor ƀon lan rhŏ dŏng; sŏk nău rhơn nđơr n’hanh đăp mpăn bah nuĭh ƀon lan lah nău rhơn nđơr bah săk he nơm.

Lah kloh, nar Tết lah rnôk njôm wăr rnăk wâl, yơn âk tahen Cảnh sát cơ động ân hăn ƀư nău kan kâp njrăng, rdâng lơh đah nău tât. Kruanh dak dăn đă Đảng ủy, Bộ Tư lệnh Cảnh sát cơ động, cán bộ chỉ huy mât uănh nău rêh nuih n’hâm, drăp ndơ gay ăp nuĭh tahen bol gŭ kâp njrăng ta ah ntŭk hăn kan năl dơi nău răm mƀak bah nar năm mhe đŏng, tâm nău mât uănh bah cán bộ kruanh rđău kan, nuĭh mât bôk  kan./.