Nar 2/2, bah meng Tết Nguyên đán Giáp Thìn 2024, Kruanh dak Võ Văn Thưởng hŏ tât khâl, ôp uănh pah kan nchrăp rdâng lơh bah Công an nkual ƀon têh Hồ Chí Minh, Khâl, mbah rhơn Tết du đêt nghệ sỹ, nuĭh gĭt blău, nuĭh nsing nơm, ntoh lư ta nkual ƀon têh. Nchih nkah, rnê âk ăp ntil pah kan bah Công an nkual ƀon têh, Kruanh dak nchŏng kloh, đah nău  mha êng lah ntŭk rgum tơm chính trị, văn hóa, wăng sa- rêh jêng kon nuĭh, nkual ƀon têh Hồ Chí Minh geh nău khlay kan, ntŭk gŭ kan dŭt n’hâm khlay đah nkual n’hanh lam dak.

Kruanh dak dăn đă Công an nkual ƀon têh ân way uănh khlay pah kan rƀah gĭt nău lư, grêt dăch tâm dâng, nsŏng kơl  ngăch an ăp gưl, ăp n’gâng kan n’hanh n’gâng kan ăp gưl bah nkual ƀon têh gay nkra nkô̆ nău đăp mpăn rnă njrăng rnôk ăp nău tât. Kruanh dak dăn đă mpôl Cảnh sát njrăng n’gang puh n’hât ŭnh sa, kơl nuĭh tât rmanh bah nkual ƀon têh n’hao nău dơi tam pah kan mât uănh ngih dak mpeh njrăng n’gang ŭnh sa đah nuih  n’hâm: “Bol moh nuĭh, moh đơn vị, ân tĭng lhăt jăp quy định mpeh njrăng,  n’gang, puh n’hât ŭnh sa đŏng”.