Nchih nău nkah ndrăy ta Đền mbah ryơk Wa Hồ, Kruanh dak mpơl nău kahgĭt nău kan têh kuăng bâh kruanh Hồ Chí Minh têh kuăng.

Lĕ rơh ba kơi mô rlu kơt nti, ƀư tĭng nău mĭn, trong kan, bâh Wa Hồ, tâm rnglăp nsrôih , “rdâk njêng du ngih dak Việt Nam đăp mpăn, dơn ngoăy, ƀư tơm n’hanh têh ndrŏng, ntop tâm di ta nău kan cách mạng lam ntur neh” tĭng Di chúc bâh wa Hồ. Nkah gĭt tal 54 năm wa khĭt, 54 năm ƀư tĭng nău ntĭnh ntăn bâh wa, lah rơh gay ma lĕ Đảng, lĕ tahen n’hanh lĕ ƀon lan kahĭt n’hanh lah ueh nău kan têh kuăng bâh wa đah mpôl rnoi Việt Nam. Aơ lah rơh gay ma lĕ rngôch đồng chí, ƀon lan ntrôl dăng tay nău nti n’hanh pah kan tĭng nău mĭn ueh ang bâh Hồ Chí Minh. Bâh nĕ, nsuk nsôr n’hao tay nău knơm n’hanh nău ŭch rŏng hun hao bâh mpôl rnoi gay ma rdâk njêng ngih dak Việt Nam têh dăng, hăn ndrel đah ăp dak ta lam ntur neh tâm let năp tay kơt nău ŭch rŏng bâh Kruanh Hồ Chí Minh.