Ta Hà Nội, Kruanh dak Võ Văn Thưởng n'hanh i ur ƀư tơm rơh ngêt sa rgum Nău dơi kan lam lĕ rngôch Australia David Hurley n'hanh i ur. Tâm nău lah, bar kruanh rđău kan lah rjăp da dê, đah ăp nău dơi dŭt di ma n'hao êng săk tâm boh đah bar dak rlău n'gul rach năm aơ, lơn lah bah nău dơi bah trong hăn khâl dja, tâm boh bar dak hao prêh mhe, 50 năm tay bah tâm boh bar dak mbra dŭt chrat ang.

Kruanh dak Võ Văn Thưởng nkah tay ăp n'gâng ntơm khlay tâm boh Việt Nam-Australia, lah rjăp mô hŏ tă geh nău tâm boh bar dak êt lhăt n'hanh hun hao uĕh lăng kơt aƀaơ, nkre mpơl nău rnê âk Australia way ntêm an tơm prăk kơl ODA an Việt Nam, rgop ŭeh an hun hao wăng sa- rêh jêng kon nuĭh, n'hao nău rêh bah ƀon lan Việt Nam. Nău dơi kan lam lĕ rngôch Australia lah rjăp, Australia n'hao êng săk geh nuĭh băl, nuĭh tâm boh nsing nơm n'hanh dêh bên kơt Việt Nam. Bar dak dôl ndrel ƀư jêng ngăn ngăn trong uănh têh jong nsum nkual Ấn Độ Dương-Thái Bình Dương, lah nkual đăp mpăn, têh ndrŏng, ntŭk ma ƀư tơm n'hanh ăp luật pháp dak bah dih dơi ŭanh khlay.