Tâm rơh khâl na nê̆ Việt Nam bah Tổng thống Kazakhsstan, ôi 22/8, Kruanh dak Võ Văn Thưởng n’hanh Tổng thống Kazakhstan lĕ ndrel mĭn joi mpeh du đêt nău văn hóa uĕh bah Việt Nam tă bah nău kan mon uk way ơm ta ƀon nău kan way ơm mon uk Chu Đậu, nkuăl Nam Sách, n’gor Hải Dương. Tĭng nău nkoch bah Tổng thống Kazakhstan, pơng lĕ an mông nar gay mĭn joi văn hóa Việt Nam n’hanh dơi gĭt ăp ndơ ŭk aơ lĕ geh bah hang rhiăng năm bah năp, ƀư ăp nău uĕh khlay, lah nău gŭ âm kơt nău khlay kon nuĭh bah Việt.

Kruanh dak Võ Văn Thưởng n’hanh Tổng thống Kazakhstan mĭn joi gĭt mpeh ƀon nău kan way ơm kăl e neh Bắc ntoh lư tă bah nău ƀư ngăn mon uk, nkoch nău ŭch ƀon lan n’hanh ăp nghệ nhân mbra hăn ndrel tay, mât n’hanh ƀư uĕh ăp nău khlay ma ƀon nău kan way ơm dôl geh yor uk Chu Đậu lah rup ndah bah nghệ thuật uk tĭng nău way ơm Việt, ntĭt mpơl bah nău uĕh lăng dâng rđŭng dak me Hồng.