Tâm trôm rơh khâl gưl Ngih dak tât Việt Nam, kêng măng nđaơ (30/1), Kruanh dak Võ Văn Thưởng ndrel Tổng thống Cộng hòa Philippines Ferdinand Romuadez Macrcos Jr lĕ geh rơh khâl Hoàng thành Thăng Long. Ntơm rơh Hoàng thành Thăng Long, Kruanh dak Võ Văn Thưởng ndrel Tổng thống Philippines Marcos lĕ râng Bôk nău kan “Happy Tết 2024” ƀư ta nkual Hoàng thành Thăng Long.

Ta aơ, Kruanh dak lĕ nkoch đah Tổng thống Philippines mpeh nar Tết way ơm Việt Nam đah âk nău uĕh văn hóa ntĭt mpơl, lăp ndrel tâm mông nar Tết Việt, ăp nău khlay văn hóa, drăp ndơ, ăp nău pâl way ơm nar Tết; ăp ndơ ngêt sa way ơm, dông piăng rơh tết; djăt uănh njroh mprơ ăp rnoi nuĭh. Jêh nĕ, Kruanh dak Võ Văn Thưởng lĕ ndrel Tổng thống Philippines Marcos hăn uănh ăp ntŭk di tích bah Hoàng thành Thăng Long. Lôch rơh khâl, rmôt kan lĕ chŭp rup nkah ndrăy ta bah dih Rồng Điện Kính Thiên, jêng ngoăy tâm âk nău uĕh an rơh khâl gưl ngih dak tât Việt Nam rơh aơ bah Tổng thống Philippines.