Ta rơh rgŏ jă, kruanh Trung ương Hội chữ thập đỏ Việt Nam Bùi Thị Hòa mbơh nău, n’gâng kan chính trị lĕ pă kan đồng chí Võ Văn Thưởng, Ủy viên Bộ chính trị, kruanh dak ƀư kruanh rnê nsơm Hội chữ thập đỏ Việt Nam năm kan 2022-2027.

Kruanh dak an gĭt mbra nsrôih tâm rgop an nău hun hao bâh hội n’hanh nău kan tâm kơl ta lam dak tâm let năp tay. Năm aơ, nsrôih rgŏ jă geh dŭt đê̆ 400 rmen prăk gay ma kơl an 1 rkeh nuĭh geh nău rêh jêr jŏt, tâm nĕ an lor đah ƀon lan joi ka ach o, jêr jŏt n’hanh oh kon se ach o, quet nte mbra geh dơn nău kơl âk bâh ăp nuĭh long nuih n’hâm n’hanh ăp nuĭh ƀon lan an geh tâm rgop kan, kơl an, hăn ndrel đah hội chữ thập đỏ Việt Nam tâm nău kơl an ăp nar lơ ma săk rnglăy lơn an nuĭh ach o, nuĭh geh nău rêh jêr jŏt.