Ôi 15/11, Kruanh dak Võ Văn Thưởng ndrel mpôl đại biểu Gưl prêh Việt Nam lĕ tât Tach ndeh păr Quốc tế San Francisco, Hoa Kỳ, ntơm rơh pah kan râng Pơh lễ Gưl prêh Rƀŭn nchră Kan ndrel wăng sa châu Á-Thái Bình Dương (APEC) 2023. Tâm rnôk ăp nău ƀư bah Pơh lễ gưl prêh APEC 2023, Kruanh dak Võ Văn Thưởng mbra ndrel ăp Nuĭh Kruanh ăp jâng wăng sa APEC tâm nchră ăp nău geh nkô̆ khlay đah wăng sa lam ntŭr neh n’hanh nkual; n’gluh ăp trong nchrŏng kan ndrel mpeh tăch rgâl, ntuh kơl, khoa học công nghệ, rgâl mhe n’hanh âk ntil nău êng.

Việt Nam mbra đah ăp dak ntrôl nuih n’hâm tâm nchră, ndâk njêng, lĕ đah nău kan, n’hao ƀư tơm âk ding, n’hanh kan ndrel, ndrel ƀư yor nău hun hao nâp nâl n’hanh uĕh lăng bah nkual. Kruanh dak Võ Văn Thưởng mbra râng n’hanh ntoh ngơi ta Rƀŭn nchră gưl prêh Doanh nghiệp, râng ăp nar tâm nchră đah ăp Nuĭh Kruanh ăp jâng wăng sa APEC đah kan ndrel, năch jă; râng rƀŭn nchră Gưl prêh tâm trôm wăng sa Ấn Độ Dương-Thái Bình Dương.